1 Bhikkhuvibhaṅga- 1.1 Paṭhamabhāga
- 1.1.1 Katthapaññattivāra
1.1.2 Katāpattivāra
1.1.3 Vipattivāra- 1.1.4 Saṅgahitavāra
- 1.1.5 Samuṭṭhānavāra
- 1.1.6 Adhikaraṇavāra
- 1.1.7 Samathavāra
- 1.1.8 Samuccayavāra
- 1.2 Dutiyabhāga
- 2 Bhikkhunivibhaṅga
- 3 Samuṭṭhānasīsasaṅkhepa
- 4 Antarapeyyāla
- 5 Samathabheda
- 6 Khandhakapucchāvāra
- 7 Ekuttarikanaya
- 8 Uposathādipucchāvissajjanā
- 9 Atthavasapakaraṇa
- 10 Gāthāsaṅgaṇika
- 11 Adhikaraṇabheda
- 12 Aparagāthāsaṅgaṇika
- 13 Codanākaṇḍa
- 14 Cūḷasaṅgāma
- 15 Mahāsaṅgāma
- 16 Kathinabheda
- 17 Upālipañcaka
- 18 Atthāpattisamuṭṭhāna
- 19 Dutiyagāthāsaṅgaṇika
- 20 Sedamocanagāthā
- 21 Pañcavagga
1.1.1.7.1 Parimaṇḍalavagga
Loading...
Bhikkhuvibhaṅga
Paṭhamabhāga
Katthapaññattivāra
Sekhiyakaṇḍa
Parimaṇḍalavagga
150.
239Yaṃ tena bhagavatā jānatā passatā arahatā sammāsambuddhena anādariyaṃ paṭicca purato vā pacchato vā olambentena nivāsentassa dukkaṭaṃ kattha paññattanti? Sāvatthiyaṃ paññattaṃ. Kaṃ ārabbhāti? Chabbaggiye bhikkhū ārabbha. Kismiṃ vatthusminti? Chabbaggiyā bhikkhū puratopi pacchatopi olambentā nivāsesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti— kāyato ca cittato ca samuṭṭhāti, na vācato…pe… . (1)
240Anādariyaṃ paṭicca purato vā pacchato vā olambentena pārupantassa dukkaṭaṃ kattha paññattanti? Sāvatthiyaṃ paññattaṃ. Kaṃ ārabbhāti? Chabbaggiye bhikkhū ārabbha. Kismiṃ vatthusminti? Chabbaggiyā bhikkhū puratopi pacchatopi olambentā pārupiṃsu, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti— kāyato ca cittato ca samuṭṭhāti, na vācato…pe… . (2)
241Anādariyaṃ paṭicca kāyaṃ vivaritvā antaraghare gacchantassa dukkaṭaṃ…pe… ekā paññatti. Ekena samuṭṭhānena samuṭṭhāti— kāyato ca cittato ca samuṭṭhāti, na vācato…pe… . (3)
242Anādariyaṃ paṭicca kāyaṃ vivaritvā antaraghare nisīdantassa dukkaṭaṃ…pe… ekā paññatti. Ekena samuṭṭhānena samuṭṭhāti— kāyato ca cittato ca samuṭṭhāti, na vācato…pe… . (4)
243Anādariyaṃ paṭicca hatthaṃ vā pādaṃ vā kīḷāpentena antaraghare gacchantassa dukkaṭaṃ…pe… ekā paññatti. Ekena samuṭṭhānena samuṭṭhāti— kāyato ca cittato ca samuṭṭhāti, na vācato…pe… . (5)
244Anādariyaṃ paṭicca hatthaṃ vā pādaṃ vā kīḷāpentena antaraghare nisīdantassa dukkaṭaṃ…pe… ekā paññatti. Ekena samuṭṭhānena samuṭṭhāti— kāyato ca cittato ca samuṭṭhāti, na vācato…pe… . (6)
245Anādariyaṃ paṭicca tahaṃ tahaṃ olokentena antaraghare gacchantassa dukkaṭaṃ…pe… ekā paññatti. Ekena samuṭṭhānena samuṭṭhāti— kāyato ca cittato ca samuṭṭhāti, na vācato…pe… . (7)
246Anādariyaṃ paṭicca tahaṃ tahaṃ olokentena antaraghare nisīdantassa dukkaṭaṃ…pe… ekā paññatti. Ekena samuṭṭhānena samuṭṭhāti— kāyato ca cittato ca samuṭṭhāti, na vācato…pe… . (8)
247Anādariyaṃ paṭicca ukkhittakāya antaraghare gacchantassa dukkaṭaṃ…pe… ekā paññatti. Ekena samuṭṭhānena samuṭṭhāti— kāyato ca cittato ca samuṭṭhāti, na vācato…pe… . (9)
248Anādariyaṃ paṭicca ukkhittakāya antaraghare nisīdantassa dukkaṭaṃ…pe… ekā paññatti. Ekena samuṭṭhānena samuṭṭhāti— kāyato ca cittato ca samuṭṭhāti, na vācato…pe… . (10)
249Parimaṇḍalavaggo paṭhamo.