1 Mahākhandhaka- 2 Uposathakkhandhaka
- 3 Vassūpanāyikakkhandhaka
- 4 Pavāraṇākkhandhaka
- 5 Cammakkhandhaka
6 Bhesajjakkhandhaka
6.1 Pañcabhesajjakathā- 6.2 Mūlādibhesajjakathā
- 6.3 Pilindavacchavatthu
- 6.4 Guḷādianujānana
- 6.5 Antovuṭṭhādipaṭikkhepakathā
- 6.6 Uggahitapaṭiggahaṇa
- 6.7 Paṭiggahitādianujānana
- 6.8 Satthakammapaṭikkhepakathā
- 6.9 Manussamaṃsapaṭikkhepakathā
- 6.10 Hatthimaṃsādipaṭikkhepakathā
- 6.11 Yāgumadhugoḷakānujānana
- 6.12 Taruṇapasannamahāmattavatthu
- 6.13 Belaṭṭhakaccānavatthu
- 6.14 Pāṭaligāmavatthu
- 6.15 Sunidhavassakāravatthu
- 6.16 Koṭigāmesaccakathā
- 6.17 Ambapālīvatthu
- 6.18 Licchavīvatthu
- 6.19 Sīhasenāpativatthu
- 6.20 Kappiyabhūmianujānana
- 6.21 Meṇḍakagahapativatthu
- 6.22 Pañcagorasādianujānana
- 6.23 Keṇiyajaṭilavatthu
- 6.24 Rojamallavatthu
- 6.25 Vuḍḍhapabbajitavatthu
- 6.26 Catumahāpadesakathā
- 7 Kathinakkhandhaka
- 8 Cīvarakkhandhaka
- 9 Campeyyakkhandhaka
- 10 Kosambakakkhandhaka
6.17 Ambapālīvatthu
Loading...
Bhesajjakkhandhaka
Ambapālīvatthu
288.
1312Assosi kho ambapālī gaṇikā— “bhagavā kira koṭigāmaṃ anuppatto”ti. Atha kho ambapālī gaṇikā bhadrāni bhadrāni yānāni yojāpetvā bhadraṃ bhadraṃ yānaṃ abhiruhitvā bhadrehi bhadrehi yānehi vesāliyā niyyāsi bhagavantaṃ dassanāya. Yāvatikā yānassa bhūmi, yānena gantvā, yānā paccorohitvā, pattikāva yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho ambapāliṃ gaṇikaṃ bhagavā dhammiyā kathāya sandassesi samādapesi samuttejesi sampahaṃsesi. Atha kho ambapālī gaṇikā bhagavatā dhammiyā kathāya sandassitā samādapitā samuttejitā sampahaṃsitā bhagavantaṃ etadavoca— “adhivāsetu me, bhante, bhagavā svātanāya bhattaṃ saddhiṃ bhikkhusaṃghenā”ti. Adhivāsesi bhagavā tuṇhībhāvena. Atha kho ambapālī gaṇikā bhagavato adhivāsanaṃ viditvā uṭṭhāyāsanā bhagavantaṃ abhivādetvā padakkhiṇaṃ katvā pakkāmi.