Mātikā
1 Mahāvagga- 1.1 Ñāṇakathā
- 1.1.1 Sutamayañāṇaniddesa
- 1.1.2 Sīlamayañāṇaniddesa
- 1.1.3 Samādhibhāvanāmayañāṇaniddesa
- 1.1.4 Dhammaṭṭhitiñāṇaniddesa
- 1.1.5 Sammasanañāṇaniddesa
- 1.1.6 Udayabbayañāṇaniddesa
- 1.1.7 Bhaṅgānupassanāñāṇaniddesa
- 1.1.8 Ādīnavañāṇaniddesa
- 1.1.9 Saṅkhārupekkhāñāṇaniddesa
- 1.1.10 Gotrabhuñāṇaniddesa
- 1.1.11 Maggañāṇaniddesa
- 1.1.12 Phalañāṇaniddesa
- 1.1.13 Vimuttiñāṇaniddesa
- 1.1.14 Paccavekkhaṇañāṇaniddesa
- 1.1.15 Vatthunānattañāṇaniddesa
- 1.1.16 Gocaranānattañāṇaniddesa
- 1.1.17 Cariyānānattañāṇaniddesa
- 1.1.18 Bhūminānattañāṇaniddesa
- 1.1.19 Dhammanānattañāṇaniddesa
- 1.1.20--24 Ñāṇapañcakaniddesa
- 1.1.25--28 Paṭisambhidāñāṇaniddesa
- 1.1.29--31 Ñāṇattayaniddesa
- 1.1.32 Ānantarikasamādhiñāṇaniddesa
- 1.1.33 Araṇavihārañāṇaniddesa
- 1.1.34 Nirodhasamāpattiñāṇaniddesa
- 1.1.35 Parinibbānañāṇaniddesa
- 1.1.36 Samasīsaṭṭhañāṇaniddesa
- 1.1.37 Sallekhaṭṭhañāṇaniddesa
- 1.1.38 Vīriyārambhañāṇaniddesa
- 1.1.39 Atthasandassanañāṇaniddesa
- 1.1.40 Dassanavisuddhiñāṇaniddesa
- 1.1.41 Khantiñāṇaniddesa
- 1.1.42 Pariyogāhaṇañāṇaniddesa
- 1.1.43 Padesavihārañāṇaniddesa
- 1.1.44--49 Chavivaṭṭañāṇaniddesa
- 1.1.50 Iddhividhañāṇaniddesa
- 1.1.51 Sotadhātuvisuddhiñāṇaniddesa
- 1.1.52 Cetopariyañāṇaniddesa
- 1.1.53 Pubbenivāsānussatiñāṇaniddesa
- 1.1.54 Dibbacakkhuñāṇaniddesa
- 1.1.55 Āsavakkhayañāṇaniddesa
- 1.1.56--63 Saccañāṇacatukkadvayaniddesa
- 1.1.64--67 Suddhikapaṭisambhidāñāṇaniddesa
- 1.1.68 Indriyaparopariyattañāṇaniddesa
- 1.1.69 Āsayānusayañāṇaniddesa
- 1.1.70 Yamakapāṭihīrañāṇaniddesa
- 1.1.71 Mahākaruṇāñāṇaniddesa
- 1.1.72--73 Sabbaññutañāṇaniddesa
1.2 Diṭṭhikathā- 1.3 Ānāpānassatikathā
- 1.4 Indriyakathā
- 1.5 Vimokkhakathā
- 1.6 Gatikathā
- 1.7 Kammakathā
- 1.8 Vipallāsakathā
- 1.9 Maggakathā
- 1.10 Maṇḍapeyyakathā
- 2 Yuganaddhavagga
- 3 Paññāvagga
1.1.4 Dhammaṭṭhitiñāṇaniddesa
Loading...
Mahāvagga
Ñāṇakathā
Dhammaṭṭhitiñāṇaniddesa
45.
337Kathaṃ paccayapariggahe paññā dhammaṭṭhitiñāṇaṃ? Avijjā saṅkhārānaṃ uppādaṭṭhiti ca pavattaṭṭhiti ca nimittaṭṭhiti ca āyūhanaṭṭhiti ca saññogaṭṭhiti ca palibodhaṭṭhiti ca samudayaṭṭhiti ca hetuṭṭhiti ca paccayaṭṭhiti ca. Imehi navahākārehi avijjā paccayo, saṅkhārā paccayasamuppannā. Ubhopete dhammā paccayasamuppannāti— paccayapariggahe paññā dhammaṭṭhitiñāṇaṃ. Atītampi addhānaṃ… anāgatampi addhānaṃ avijjā saṅkhārānaṃ uppādaṭṭhiti ca pavattaṭṭhiti ca nimittaṭṭhiti ca āyūhanaṭṭhiti ca saññogaṭṭhiti ca palibodhaṭṭhiti ca samudayaṭṭhiti ca hetuṭṭhiti ca paccayaṭṭhiti ca. Imehi navahākārehi avijjā paccayo, saṅkhārā paccayasamuppannā. Ubhopete dhammā paccayasamuppannāti— paccayapariggahe paññā dhammaṭṭhitiñāṇaṃ.
338Saṅkhārā viññāṇassa…pe… viññāṇaṃ nāmarūpassa… nāmarūpaṃ saḷāyatanassa… saḷāyatanaṃ phassassa… phasso vedanāya… vedanā taṇhāya… taṇhā upādānassa… upādānaṃ bhavassa… bhavo jātiyā… jāti jarāmaraṇassa uppādaṭṭhiti ca pavattaṭṭhiti ca nimittaṭṭhiti ca āyūhanaṭṭhiti ca saññogaṭṭhiti ca palibodhaṭṭhiti ca samudayaṭṭhiti ca hetuṭṭhiti ca paccayaṭṭhiti ca. Imehi navahākārehi jāti paccayo, jarāmaraṇaṃ paccayasamuppannaṃ. Ubhopete dhammā paccayasamuppannāti— paccayapariggahe paññā dhammaṭṭhitiñāṇaṃ. Atītampi addhānaṃ… anāgatampi addhānaṃ jāti jarāmaraṇassa uppādaṭṭhiti ca pavattaṭṭhiti ca nimittaṭṭhiti ca āyūhanaṭṭhiti ca saññogaṭṭhiti ca palibodhaṭṭhiti ca samudayaṭṭhiti ca hetuṭṭhiti ca paccayaṭṭhiti ca. Imehi navahākārehi jāti paccayo, jarāmaraṇaṃ paccayasamuppannaṃ. Ubhopete dhammā paccayasamuppannāti— paccayapariggahe paññā dhammaṭṭhitiñāṇaṃ.
46.
339Avijjā hetu, saṅkhārā hetusamuppannā. Ubhopete dhammā hetusamuppannāti— paccayapariggahe paññā dhammaṭṭhitiñāṇaṃ. Atītampi addhānaṃ… anāgatampi addhānaṃ avijjā hetu, saṅkhārā hetusamuppannā. Ubhopete dhammā hetusamuppannāti— paccayapariggahe paññā dhammaṭṭhitiñāṇaṃ.
340Saṅkhārā hetu, viññāṇaṃ hetusamuppannaṃ…pe… viññāṇaṃ hetu, nāmarūpaṃ hetusamuppannaṃ… nāmarūpaṃ hetu, saḷāyatanaṃ hetusamuppannaṃ… saḷāyatanaṃ hetu, phasso hetusamuppanno… phasso hetu, vedanā hetusamuppannā… vedanā hetu, taṇhā hetusamuppannā… taṇhā hetu, upādānaṃ hetusamuppannaṃ… upādānaṃ hetu, bhavo hetusamuppanno… bhavo hetu, jāti hetusamuppannā… jāti hetu, jarāmaraṇaṃ hetusamuppannaṃ. Ubhopete dhammā hetusamuppannāti— paccayapariggahe paññā dhammaṭṭhitiñāṇaṃ. Atītampi addhānaṃ… anāgatampi addhānaṃ jāti hetu, jarāmaraṇaṃ hetusamuppannaṃ. Ubhopete dhammā hetusamuppannāti— paccayapariggahe paññā dhammaṭṭhitiñāṇaṃ.
341Avijjā paṭiccā, saṅkhārā paṭiccasamuppannā. Ubhopete dhammā paṭiccasamuppannāti— paccayapariggahe paññā dhammaṭṭhitiñāṇaṃ. Atītampi addhānaṃ… anāgatampi addhānaṃ avijjā paṭiccā, saṅkhārā paṭiccasamuppannā. Ubhopete dhammā paṭiccasamuppannāti— paccayapariggahe paññā dhammaṭṭhitiñāṇaṃ.
342Saṅkhārā paṭiccā, viññāṇaṃ paṭiccasamuppannaṃ…pe… viññāṇaṃ paṭiccaṃ, nāmarūpaṃ paṭiccasamuppannaṃ… nāmarūpaṃ paṭiccaṃ, saḷāyatanaṃ paṭiccasamuppannaṃ… saḷāyatanaṃ paṭiccaṃ, phasso paṭiccasamuppanno… phasso paṭicco, vedanā paṭiccasamuppannā… vedanā paṭiccā, taṇhā paṭiccasamuppannā… taṇhā paṭiccā, upādānaṃ paṭiccasamuppannaṃ… upādānaṃ paṭiccaṃ, bhavo paṭiccasamuppanno… bhavo paṭicco, jāti paṭiccasamuppannā… jāti paṭiccā, jarāmaraṇaṃ paṭiccasamuppannaṃ. Ubhopete dhammā paṭiccasamuppannāti— paccayapariggahe paññā dhammaṭṭhitiñāṇaṃ. Atītampi addhānaṃ… anāgatampi addhānaṃ jāti paṭiccā, jarāmaraṇaṃ paṭiccasamuppannaṃ. Ubhopete dhammā paṭiccasamuppannāti— paccayapariggahe paññā dhammaṭṭhitiñāṇaṃ.
343Avijjā paccayo, saṅkhārā paccayasamuppannā. Ubhopete dhammā paccayasamuppannāti— paccayapariggahe paññā dhammaṭṭhitiñāṇaṃ. Atītampi addhānaṃ… anāgatampi addhānaṃ avijjā paccayo, saṅkhārā paccayasamuppannā. Ubhopete dhammā paccayasamuppannāti— paccayapariggahe paññā dhammaṭṭhitiñāṇaṃ.
344Saṅkhārā paccayā, viññāṇaṃ paccayasamuppannaṃ…pe… viññāṇaṃ paccayo, nāmarūpaṃ paccayasamuppannaṃ… nāmarūpaṃ paccayo, saḷāyatanaṃ paccayasamuppannaṃ… saḷāyatanaṃ paccayo, phasso paccayasamuppanno… phasso paccayo, vedanā paccayasamuppannā… vedanā paccayo, taṇhā paccayasamuppannā… taṇhā paccayo, upādānaṃ paccayasamuppannaṃ… upādānaṃ paccayo, bhavo paccayasamuppanno… bhavo paccayo, jāti paccayasamuppannā… jāti paccayo, jarāmaraṇaṃ paccayasamuppannaṃ. Ubhopete dhammā paccayasamuppannāti— paccayapariggahe paññā dhammaṭṭhitiñāṇaṃ. Atītampi addhānaṃ… anāgatampi addhānaṃ jāti paccayo, jarāmaraṇaṃ paccayasamuppannaṃ. Ubhopete dhammā paccayasamuppannāti— paccayapariggahe paññā dhammaṭṭhitiñāṇaṃ.
47.
345Purimakammabhavasmiṃ moho avijjā, āyūhanā saṅkhārā, nikanti taṇhā, upagamanaṃ upādānaṃ, cetanā bhavo. Ime pañca dhammā purimakammabhavasmiṃ idha paṭisandhiyā paccayā. Idha paṭisandhi viññāṇaṃ, okkanti nāmarūpaṃ, pasādo āyatanaṃ, phuṭṭho phasso, vedayitaṃ vedanā. Ime pañca dhammā idhupapattibhavasmiṃ purekatassa kammassa paccayā. Idha paripakkattā āyatanānaṃ moho avijjā, āyūhanā saṅkhārā, nikanti taṇhā upagamanaṃ upādānaṃ, cetanā bhavo. Ime pañca dhammā idha kammabhavasmiṃ āyatiṃ paṭisandhiyā paccayā. Āyatiṃ paṭisandhi viññāṇaṃ, okkanti nāmarūpaṃ, pasādo āyatanaṃ, phuṭṭho phasso, vedayitaṃ vedanā. Ime pañca dhammā āyatiṃ upapattibhavasmiṃ idha katassa kammassa paccayā. Itime catusaṅkhepe tayo addhe tisandhiṃ vīsatiyā ākārehi paṭiccasamuppādaṃ jānāti passati aññāti paṭivijjhati. Taṃ ñātaṭṭhena ñāṇaṃ, pajānanaṭṭhena paññā. Tena vuccati— “paccayapariggahe paññā dhammaṭṭhitiñāṇaṃ”.
346Dhammaṭṭhitiñāṇaniddeso catuttho.